Samtök ferðaþjónustunnar

Félagsgjald til SAF skal ákveðið árlega á aðalfundi og taka mið af veltu fyrirtækjanna (tekjum skv. ársreikningi) samkvæmt eftirfarandi:

Velta í milljónum:	Félagsgjald í krónum á ári
allt að 5	22.000
5-15	33.000
15-35	50.000
35-50	66.000
50-80	99.000
80-110	132.000
110-250	192.000
250-500	275.000
500-1000	385.000
1000-3000	550.000
yfir  3000	715.000

Félagsgjald til Samtaka atvinnulífsins - SA

Árgjald Samtaka atvinnulífsins er 0,19% af launagreiðslum síðastliðins árs.  Sé launakostnaður hærra hlutfall en 35,294% af veltu reiknast gjaldið af veltu í stað launa og er þá 0,067%.  Gjaldið skiptist þannig að 0,17% renna til rekstrar en 0,02% í Vinnudeilusjóð.  Þeir sem velja að vera innan þjónustudeildar SA framselja ekki samningsumboð sitt og greiða þar af leiðandi ekki til Vinnudeilusjóðs og er gjaldið hjá þeim 0,17% af launum, eða 0,06% af veltu. 

Skilvísir greiðendur frá 5% afslátt af gjöldum til SA og kemur afslátturinn á næsta reikningi.  Lágmarksárgjald til SA er kr. 8.000,- (ekki er veittur afsláttur af lágmarksgjaldi). 

Stigvaxandi afsláttur er af álögðum árgjöldum, að iðgjaldi í Vinnudeilusjóð meðtöldu. Séu álögð árgjöld umfram eina milljón krónur er afslátturinn samkvæmt eftirfarandi reglu:

 

Álögð félagsgjöld	Afsláttur
0 - 1.000.000	0%
1.000.000 - 2.000.000	5%
2.000.000 - 3.000.000	10%
3.000.000 - 4.000.000	15%
4.000.000 - 5.000.000	20%
5.000.000  og yfir	20%

Afslátturinn reiknast af álögðum árgjöldum í hverju einnar milljónar krónu bili.  Séu álögð gjöld t.d. 3 millj. kr. reiknast enginn afsláttur af fyrstu milljón krónunum, 5% eða 50 þús. kr. afsláttur reiknast af bilinu 1 - 2 millj. kr. og 10% eða 100 þús. kr. afsláttur reiknast af bilinu 2-3 millj. kr.  Afslátturinn í þessu tilviki verður því 150 þús kr. samkvæmt reglunni, eða sem nemur 5% af upphaflegu álagningunni.

Reikningar eru sendir út ársfjórðungslega.