Aðalfundargögn 2022

Aðalfundur SAF 23. mars 2022 er pappírslaus fundur. Dagskrá, upplýsingar um kosningar og önnur aðalfundargögn er að finna hér neðar á síðunni.
Beina útsendingu frá fundinum er að finna neðst á þessari síðu.

Dagskrá aðalfundar SAF 2022

Fagfundir, aðalfundur og netagerð fara fram á Grand Hótel Reykjavík miðvikudaginn 23. mars.

09.30 // Kaffi og kruðerí

Byrjum daginn á rjúkandi kaffibolla og kruðerí áður en haldið er inn í daginn.

10.00 // Fagfundir

Afþreyingarnefnd, bílaleigunefnd, ferðaskrifstofunefnd, flugnefnd, gististaðanefnd, hópbifreiðanefnd, siglinganefnd og veitinganefnd funda um allt Grand Hótel Reykjavík. Á fundunum verður farið yfir liðið starfsár hjá fagnefndum SAF, gestafyrirlesarar verða á fundunum ásamt því að kjörið verður í fagnefndir fyrir starfsárið 2022 – 2023.

12.00 // Hádegisverður

SAF bjóða fundarmönnum til hádegisverðar.

13.00 // Þjóðmál – umræður um ástand og horfur í ferðaþjónustu

Lilja Alfreðsdóttir, ferðamálaráðherra, Grímur Sæmundsen, forstjóri Bláa Lónsins og Anna Hrefna Ingimundardóttir, aðstoðarframkvæmdastjóri SA taka þátt í umræðunum sem Gísli Freyr Valdórsson, viðskiptaritstjóri Morgunblaðsins og ritstjóri Þjóðmála stýrir.

14.00 // Aðalfundur (dagskrá skv. lögum SAF)

1. Kjör fundarstjóra og fundarritara
2. Skýrsla stjórnar fyrir liðið starfsár
3. Ársreikningur liðins starfsárs
4. Lagabreytingar
5. Ákvörðun um árgjald
6. Kosningar:

a. kosning meðstjórnenda *
b. kosning löggilts endurskoðanda

7. Önnur mál

* Samkvæmt lögum SAF skal stjórnarkjöri þannig háttað að annað hvert ár skal kjósa formann og þrjá meðstjórnendur en hitt árið eru hinir þrír meðstjórnendurnir í kjöri.

16.00 // Netagerð

Að afloknum aðalfundi bjóða SAF félagsmönnum í netagerð – léttar veitingar, ljúfa tóna og hressandi ferðaþjónustuspjall!