Dagskrá – Afmælisráðstefna SAF

Afmælisráðstefna Samtaka ferðaþjónustunnar var haldin á Hilton Reykjavík Nordica miðvikudaginn 15. nóvember 2023, kl. 13-17.

Á ráðstefnunni var boðið upp á fjölda viðburða með lotufyrirkomulagi (e. breakout sessions) í fjórum þemum, um framtíð ferðaþjónustunnar, vöruþróun í greininni, þekkingu á ferðaþjónustu og áhrif hennar á samfélagið. Þá voru Nýsköpunarverðlaun ferðaþjónustunnar afhent með viðhöfn og ráðstefnunni lauk með hressilegum afmælisfögnuði og netagerð.

Efni ráðstefnunnar átti meðal annars erindi við rekstraraðila í ferðaþjónustu, stjórnendur og starfsfólk ferðaþjónustufyrirtækja, eigendur og stjórnendur fyrirtækja í samstarfi við og með hagsmuni af ferðaþjónustu, fjárfesta í greininni, rannsóknaraðila í akademíunni og alla þá sem hafa áhuga á og vilja afla sér aukinnar þekkingar á þróun ferðaþjónustu á Íslandi næstu ár. Þá voru háskólanemar í greinum sem tengjast ferðaþjónustu og viðskiptalífi sérstaklega hvattir til að taka þátt.

Allt efni ráðstefnunnar er aðgengilegt á myndböndum hér að neðan, svo þau sem sóttu ráðstefnuna og annað áhugafólk um ferðaþjónustu geta horft á alla fyrirlestra og málstofur sem boðið var upp á.