Sími 591 0000 - saf@saf.is
Samtök ferðaþjónustunnar
Hleð viðburðum

« Allir viðburðir

  • Þessi viðburður er liðinn.

Aðalfundur SAF 2019

mars 14 @ 10:00 f.h. - 5:00 e.h.

Aðalfundur Samtaka ferðaþjónustunnar fer fram á Húsavík fimmtudaginn 14. mars 2019.

Fagfundir, aðalfundur og kvöldverður fara fram á Fosshótel Húsavík.

Dagskrá:

Fimmtudaginn 14. mars  //  Fosshótel Húsavík

09.30  //  Afhending fundargagna
10.00  //  Fagfundir
12.00  //  Hádegisverður
13.30  //  Afhending kjörgagna
14.00  //  Aðalfundur (dagskrá skv. lögum SAF)
17.00  //  Afþreying
19.30  //  Fordrykkur
20.00  //  Kvöldverður

Nánari upplýsingar:

Aðalfundur og fagnefndarfundir  //  Skráning og upplýsingar um verð

Fundarpakki: 6.990 kr.

  • Innifalið: Fundargögn, hádegisverður, eftirmiðdagshressing og afþreying að fundarhöldum loknum.

Kvöldverður: 8.990 kr.

  • Innifalið: Fordrykkur og þriggja rétta kvöldverður ásamt skemmtun.

Fundarpakki og kvöldverður: 14.990 kr.

Framboð til stjórnar SAF

Samkvæmt lögum SAF skal stjórn samtakanna skipa kjörnefnd sem hefur það hlutverk að undirbúa og hafa yfirumsjón með stjórnarkjöri á aðalfundi samtakanna. Kjörnefnd hefur þegar auglýst eftir framboðum til stjórnar SAF fyrir starfsárin 2019 – 2021.

Samkvæmt lögum SAF skal stjórnarkjöri þannig háttað að annað hvert ár skal kjósa formann og þrjá meðstjórnendur en hitt árið eru hinir þrír meðstjórnendurnir í kjöri. Stjórnarmaður sem kjörinn var til tveggja ára á síðasta aðalfundi hætti störfum á árinu, því eru 4 meðstjórnendur í kjöri á aðalfundinum. Þá verður ekki um formannskjör að ræða þar sem á síðasta aðalfundi SAF var formaður kjörinn til tveggja ára.

Samkvæmt lögum SAF ber kjörnefnd að tilkynna félagsmönnum tillögur sínar a.m.k. tveimur vikum fyrir aðalfund, en framboðsfrestur rennur út viku fyrir aðalfund, eða fimmtudaginn 7. mars nk.

Fimm aðilar hafa skilað inn framboði til stjórnar SAF fyrir starfsárin 2019-2021.

Frambjóðendurnar eru eftirtaldir í stafrófsröð:

  • Ásdís Ýr Pétursdóttir, upplýsingafulltrúi Icelandair Group
  • Björn Ragnarsson, framkvæmdastjóri Kynnisferða
  • Hallgrímur Lárusson, framkvæmdastjóri Snæland Grímsson
  • Ingibjörg Ólafsdóttir, hótelstjóri Radisson Blu Hótels Sögu
  • Jakob Einar Jakobsson, eigandi Jómfrúarinnar

Nánari kynningu á frambjóðendum verður að finna á heimasíðu SAF – www.saf.is – eftir að framboðsfrestur hefur runnið út.

Framboðsfrestur rennur út viku fyrir aðalfund, eða kl. 12.00 fimmtudaginn 7. mars. Framboð skal senda á netfangið saf@saf.is eða með því að hafa samband við kjörnefndarmenn.

Kjörnefnd SAF:

Framboð í fagnefndir

Á fundi faghópa fimmtudaginn 14. mars eru kosnar fagnefndir fyrir starfsárið 2019 – 2020.

Eftirfarandi regla gildir: Félagsmenn, sem óska eftir að taka sæti í fagnefnd, eru beðnir að skila inn framboði í fagnefnd a.m.k. þremur dögum fyrir aðalfund, eða fyrir lok dags mánudaginn 11. mars 2019.

Við hvetjum stjórnendur í ferðaþjónustu til að gefa kost á sér í fagnefndir. Þær eru mjög mikilvægar í grasrótarstarfinu.

Framboðum skal skila rafrænt með því að smella á hnappinn hér að neðan.

Gisting

Fosshótel Húsavík

  • Standard eins manns herbergi: 13.650 kr. nóttin (14/3/2019)
  • Tveggja manna herbergi: 15.900 kr. nóttin (14/3/2019)
  • Fyrir aukanótt (13/3/2019) greiðast: 12.000 kr. ásamt 15% afslætti af matseðli hótelsins.

Innifalið: Morgunverðarhlaðborð, 11% VSK og 111 kr. gistináttaskattur, netaðgangur (WIFI)

Íslandshótel bjóða upp á tilboðskóða SAF19 á bókunarvél hótelsins.

Afbókunarskilmálar einstaklinga sem bóka sig á aðalfund SAF 2019 eru 100% afbókunargjald af dvölinni 0-2 daga fyrir komu, 50% 3-7 daga fyrir komu, en gjaldlaust ef afbókað er með meira en 8 daga fyrirvara.

Flug

Flugfélagið Ernir

Hér er hægt að bóka flug með Flugfélaginu Erni á aðalfund Samtaka ferðaþjónustunnar sem fram fer á Húsavík fimmtudaginn 14. mars 2019.

Flugbókanir og greiðsla fara í gegnum Samtök ferðaþjónustunnar. Reikningar verða sendir vegna flugbókana.

Í boði eru eftirfarandi brottfarir:

Reykjavík – Húsavík

  • Miðvikudaginn 13. mars kl. 15:55
  • Fimmtudaginn 14. mars kl. 08:05

Húsavík – Reykjavík

  • Föstudaginn 15. mars kl. 09:20
  • Föstudaginn 15. mars kl. 17:05

Verð á fluglegg er 21.440 kr., en SAF býður félagsmönnum sínum flug fram og til baka á 39.900 kr. ef bókað er fyrir kl. 16.00 fimmtudaginn 7. mars 2019.

Takmarkað sætaframboð er í boði. Reglan fyrstur kemur fyrstur fær er í gildi. Athugið að mæting í flug er amk. 30 mínútum fyrir auglýstan brottfarartíma.

Nánari upplýsingar er hægt að fá hjá Skapta Erni Ólafssyni, upplýsingafulltrúa SAF, í gegnum netfangið skapti@saf.is

Framlagning ársreikninga

Endurskoðaðir ársreikningar Samtaka ferðaþjónustunnar munu liggja fyrir á skrifstofu samtakanna í Húsi atvinnulífsins, Borgartúni 35 í Reykjavík, viku fyrir aðalfund.

Lagabreytingar

Fyrir aðalfundinum liggja tillögur að lagabreytingum frá stjórn SAF, en þær er hægt að nálgast þær HÉR.

Tillaga um félagsgjald

Fyrir aðalfundinum liggja fyrir tillögur að breytingum á félagsgjöldum í SAF frá stjórn samtakanna, en þær er hægt að nálgast HÉR.

Umboð

Forsvarsmenn fyrirtækja fara með atkvæði á aðalfundi SAF. Þeir forsvarsmenn sem ekki hafa tök á að sækja aðalfundinn geta útbúið umboð fyrir þá sem fara með atkvæði fyrir þeirra hönd á fundinum. Umboð skal berast rafrænt á netfangið saf@saf.is fyrir lok dags, mánudaginn 11. mars.

Upplýsingar

Dagsetn:
mars 14
Tími
10:00 f.h. - 5:00 e.h.
Viðburðar flokkur:
Vefsíða:
https://goo.gl/forms/bicbAHOKeAJtoDX92

Skipuleggjandi

Samtök ferðaþjónustunnar
Vefsíða:
www.saf.is

Staðsetning

Fosshótel Húsavík
Ketilsbraut 22, Húsavík, 640 Iceland
+ Google Map
Back to Top

Flokkar