Hallgrímur Lárusson, eigandi og framkvæmdastjóri Snæland Grímsson
Ég er annar eigandi hópferðafyrirtækisins Snæland Grímsson ehf. og starfa þar sem framkvæmdastjóri. Nánast allan minn starfsaldur hef ég unnið hjá Snæland og gengið í öll störf sem þar hafa verið í boði. Ég hef mikin áhuga á sölu og markaðsetningu á Íslenskri ferðaþjónust erlendis og hef alltaf tekið virkan þátt í því starfi hjá mínu fyrirtæki og geri enn.
Ég hef verið virkur í starfsemi SAF frá upphafi, setið í ferðaskrifstofunefnd SAF og verið fyrir hönd SAF í stjórn „Ísland allt árið“ og í Fagráði Íslandsstofu. Ég er baráttumaður og vil sjá hag ferðaþjónustunnar sem mestan nú og til framtíðar.
Ég býð mig fram til stjórnar SAF í þeirri von að þekking mín og reynsla nýtist sem best til að berjast fyrir sameiginlegum hagsmunum okkar allra. Verkefnin hafa aldrei verið jafn brýn og þessa dagana. Ég tel að reynslubolti á borð við mig eigi mikið erindi í stjórn samtakanna.
Þeir sem hafa starfað lengi í ferðaþjónustu hafa upplifað marga krísuna, en aldrei neitt líkt ástandinu síðustu vikurnar. Berlega hefur komið í ljós hvaða atvinnugrein það er sem dregur vagninn í íslensku hagkerfi. Margir sem áður töluðu niður til ferðaþjónustunnar hafa áttað sig á mikilvægi hennar og hafa hljótt um sig þessa dagana.
Þegar birtir á ný og ferðaþjónustan kemst aftur í gang verður margt breytt. Mikilvægt er að fylgja eftir og nýta þann skilning sem sem hefur skapast á gildi ferðaþjónustunnar. Þeim árangri náum við meðal annars með góðum tengslum við stjórnvöld og fólkið í landinu og með því að stundu öflug markaðsstarf erlendis
