Á undanförnum 14 árum hefur ferðaþjónusta vaxið í eina mikilvægustu grundvallar atvinnugrein landsins. Greinin veitir rúmlega 30 þúsund manns atvinnu, býr til þriðjung allra gjaldeyristekna þjóðarinnar, skilar meira en 155 milljörðum króna í skatta til samfélagsins árlega. Ferðaþjónusta hefur umbylt efnahag Íslands með gjörbreyttri stöðu viðskipta við útlönd, stutt við gengi krónu og kaupmátt, skapað mikinn fjölda starfa og aukið fjölbreytni í atvinnutækifærum um allt land. Engum blöðum er um það að fletta að ferðaþjónusta hefur bætt lífskjör fólks í landinu verulega á síðustu árum.

Vegna þessarar mikilvægu undirstöðu lífskjara er mikilvægt að umræða og ákvarðanir um ferðaþjónustu byggi á gögnum og staðreyndum. Það á ekki síst við um kosningar til Alþingis. 

Staðreyndir um ferðaþjónustu

Til að styðja við árangursríka umræðu um ferðaþjónustu og auka þekkingu allra sem að koma á greininni hafa Samtök ferðaþjónustunnar tekið saman gögn og staðreyndir um nokkra þætti sem komið hafa til umræðu í tengslum við ferðaþjónustu á síðustu misserum. 

Svör stjórnmálaflokka um stefnu og aðgerðir í málefnum ferðaþjónustu

Í aðdraganda kosninga tóku samtökin viðtöl við forsvarsfólk stjórnmálaflokkanna þar sem leitast var við að leiða í ljós stefnu og áformaðar aðgerðir stjórnmálaflokkanna í málefnum ferðaþjónustunnar á næsta kjörímabili. Hægt er að horfa á öll viðtölin í spilunarlistanum hér að neðan, eða á Youtube rás SAF. Einnig er hægt að hlusta á viðtölin í hlaðvarpsformi, í Bakpokanum, hlaðvapi SAF  

Sameiginlegar kosningaáherslur Samtaka atvinnulífsins

Samtök atvinnulífsins standa fyrir kosningafund atvinnulífsins þann 7. nóvember n.k. með þátttöku formanna stjórnmálaflokkanna. Á fundinum verða sameiginlegar áherslur aðildarsamtaka SA fyrir kosningarnar kynntar og leiðtogum stjórnmálaflokkanna gefst tækifæri til að ræða áherslur og stefnu sinna flokka. Smellið hér til að skrá ykkur á fundinn.