Allar upplýsingar um aðalfund SAF á einum stað.
Aðalfundur Samtaka ferðaþjónustunnar fer fram fimmtudaginn 21.mars á Reykjavík Hilton Nordica. Skráning er í fullum gangi og eru félagsmenn í SAF hvattir til að fjölmenna á fundinn!
Á þessari síðu er að finna mikilvægar upplýsingar um dagskrá aðalfundar SAF 2024, kosningar til stjórnar, skráningu á fundinn og praktísk atriði.
Það er mikilvægt að skrá sig til leiks. Smelltu á takkann hér að neðan:
Fagfundir hefjast kl. 10.00 og fara fram í fundarsölum á 2. hæð á Hilton Reykjavík Nordica. Aðalfundur SAF fer síðan fram kl. 14.00 í aðalsal hótelsins á 1. hæð.
Í hádeginu verður boðið upp á léttan hádegisverð og fyrir aðalfundinn kl. 13.00 verða umræður um ástand og horfur í ferðaþjónustu undir forystu Bjarnheiðar Hallsdóttur, formanns SAF. Að afloknum aðalfundi bjóða SAF síðan til móttöku þar sem léttar veitingar, tónlist og góð stemning verða á boðstólum.
Hér að neðan má finna dagskrá aðalfundar og fagfunda.
Önnur aðalfundargögn og upplýsingar um beina útsendingu frá fundinum verða send til félagsmanna á morgun, miðvikudaginn 20. mars.
Kosningar til stjórnar SAF á aðalfundi 2024 eru rafrænar. Forsvarsmenn aðildarfyrirtækja hafa fengið upplýsingar um aðgang að atkvæðagreiðslunni sendar í tölvupósti. Atkvæðagreiðslan í fullum gangi og lýkur að lokinni kynningu frambjóðenda á aðalfundinum á Hilton Reykjavík Nordica.
Aðalfundur og fagfundir fara fram á Hilton Reykjavik Nordica. Kosningar í fagnefndir SAF fara fram á fagfundum.
09.30 // Húsið opnar – Afhending barmmerkja á 2. hæð Hilton Reykjavík Nordica
10.00 // Fagfundir – Dagskrá og staðsetning
Afþreyingarfyrirtæki – Salur I á 2. hæð Hilton Reykjavík Nordica
10.00 Hvernig getur ferðaþjónusta betur nýtt sér sjálfvirkni
11.00 Skýrsla formanns, almennar umræður, ályktanir og kosning í afþreyinganefnd
Bílaleigur – Salur E á 2. hæð Hilton Reykjavík Nordica
10.00 Hvað þarf til að bæta umferðaröryggi og samgöngur á bílaleigubílum?
11.00 Skýrsla formanns, almennar umræður, ályktanir og kosning í bílaleigunefnd
Ferðaskrifstofur – Salur H á 2. hæð Hilton Reykjavík Nordica
10.00 Hvernig getur gervigreind orðið ferðaskrifstofum að gagni?
11.00 Skýrsla formanns, almennar umræður, ályktanir og kosning í ferðaskrifstofunefnd
Flugfélög – Salur C á 2. hæð Hilton Reykjavík Nordica
10.30 Alda – Áhrif framkvæmda á flugumferð / Áhrif trjágróðurs í Öskjuhlíð á flugumferð
11.30 Skýrsla formanns, almennar umræður, ályktanir og kosning í flugnefnd
Gististaðir – Salur G á 2. hæð Hilton Reykjavík Nordica
10.00 Hvernig geta gististaðir betur greint lykiltölur og nýtt gögn úr PMS kerfum??
11.00 Skýrsla formanns, almennar umræður, ályktanir og kosning í gististaðanefnd
Hópbifreiðafyrirtæki – Salur F á 2. hæð Hilton Reykjavík Nordica
10.00 Framkvæmd eftirlits með innlendum og erlendum bifreiðum með ferðamenn
11.00 Skýrsla formanns, almennar umræður, ályktanir og kosning i hópbifreiðanefnd
Veitingastaðir – Salur D á 2. hæð Hilton Reykjavík Nordica
10.00 Skýrsla formanns, almennar umræður, ályktanir og kosning í veitinganefnd
11.00 Kynning á nýgerðum kjarasamningum SA við Matvís og SGS/Eflingu fyrir veitingastaði og afþreyingu
Útgerðir farþegaskipa – Salur K á 2. hæð Hilton Reykjavík Nordica // Heimsókn í Viking-Life, Íshellu 7 í Hafnarfirði
09.30 Kynning á björgunarbátum, regluverki og skoðunartíðni þeirra – Heimsókn í Viking-Life, Ísellu 7 Hafnarfirði
11.00 Skýrsla formanns, almennar umræður, ályktanir og kosning í siglinganefnd – Salur K á 2. hæð Hilton Reykjavík Nordica
12.00 // Hádegisverður – Forrými á 1. hæð Hilton Reykjavík Nordica
SAF bjóða þátttakendum á fagfundum og aðalfundi í léttan hádegisverð.
13.00 // Umræður um ástand og horfur í ferðaþjónustu – Aðalsalur á 1. hæð Hilton Reykjavík Nordica
Bjarnheiður Hallsdóttir, formaður SAF, stýrir umræðum um ástand og horfur í ferðaþjónustu með áherslu á rekstrarumhverfi greinarinnar.
Þátttakendur í umræðum:
14.00 // Aðalfundur (dagskrá skv. lögum SAF) – Aðalsalur á 1. hæð Hilton Reykjavík Nordica
16.00 // Móttaka – Forrými á 1. hæð Hilton Reykjavík Nordica
Að afloknum aðalfundi bjóða SAF félagsmönnum til móttöku þar sem léttar veitingar, tónlist og góð stemning verða á boðstólum.
Í aðdraganda aðalfundar SAF 2024 sem fram fer fimmtudaginn 21. mars hefur kjörnefnd verið að störfum sem hefur það hlutverk að undirbúa og hafa yfirumsjón með stjórnarkjöri á aðalfundi samtakanna. Kjörnefnd hefur þegar auglýst eftir framboðum til stjórnar og formanns SAF fyrir starfsárin 2024 – 2026.
Í kjörnefnd sitja:
Samkvæmt lögum SAF skal stjórnarkjöri þannig háttað að annað hvert ár skal kjósa formann og þrjá meðstjórnendur en hitt árið eru hinir þrír meðstjórnendurnir í kjöri.
Framboðsfrestur rann út fimmtudaginn 7. mars og skiluðu 7 aðilar inn framboði í stjórn SAF. Eitt framboð barst til formanns SAF, en Pétur Óskarsson, framkvæmdastjóri Viator ehf. gefur kost á sér og verður því sjálfkjörinn á aðalfundi samtakanna sem fram fer á Hilton Reykjavík Nordica, fimmtudaginn 21. mars nk.
Frambjóðendur til stjórnar SAF eru eftirtaldir í stafrófsröð – smellið á tenglana til að sjá kynningu frambjóðenda:
Kosningar á aðalfundi fara fram með rafrænum hætti líkt og undanfarin ár. Fyrirtækið Könnuður ehf. annast kosninguna fyrir hönd SAF, en hún fer fram í gegnum Þínar síður Húss atvinnulífsins.
Kosningin hefst fimmtudaginn 14. mars og lýkur á aðalfundardaginn fimmtudaginn 21. mars nk.
Rafræn kosning til stjórnar SAF hófst fimmtudaginn 13. mars og stendur fram yfir kynningu frambjóðenda á aðalfundi samtakanna sem fram fer fimmtudaginn 20. mars á Hótel Örk í Hveragerði.
Sem kunnugt er hefur hver félagsmaður atkvæðamagn á aðalfundi í hlutfalli við greitt félagsgjald í SAF um síðastliðin áramót. Hverjum heilum þúsund krónum greiddra félagsgjalda fylgir eitt atkvæði. Á atkvæðaseðlinum er tiltekið hversu mörg atkvæði fyrirtækið á rétt á í atkvæðagreiðslunni. Forsvarsmenn fyrirtækja í Samtökum ferðaþjónustunnar hafa fengið sendan tölvupóst með upplýsingum um kjörið.
Til að taka þátt í kjörinu smellir þú á tengilinn „Greiða atkvæði“ hér að neðan og þá færist þú yfir á innskráningarsíðu. Eftir auðkenningu er atkvæðaseðillinn aðgengilegur. Athugið að einungis er hægt að kjósa einu sinni.
Könnuður ehf. annast rafrænar kosningar fyrir hönd Samtaka ferðaþjónustunnar. Öll meðhöndlun gagna tryggir að svör verða aldrei rakin til einstakra kjósenda.
Þeir félagsmenn sem lenda í vandræðum með að kjósa er bent á að senda tölvupóst á netfangið skapti@saf.is
Á fundi faghópa í tengslum við aðalfund SAF fimmtudaginn 21. mars eru kosnar fagnefndir fyrir starfsárið 2024-2025.
Fagnefndirnar eru mikilvægur liður í grasrótarstarfi samtakanna en þar gefst fyrirtækjum færi á að ræða sameiginleg álitamál og úrlausnarefni og stefnumarkandi málefni er varða viðkomandi starfsgreinar innan ferðaþjónustunnar.
Innan SAF starfa átta fagnefndir: afþreyingarnefnd, bílaleigunefnd, ferðaskrifstofunefnd, flugnefnd, gististaðanefnd, hópbifreiðanefnd, veitinganefnd og siglinganefnd.
Öllum félagsmönnum er heimilt að taka þátt í störfum þeirra faghópa sem falla undir hans starfsemi, en við kosningu til hverrar nefndar hefur hvert aðildarfyrirtæki eitt atkvæði. Rétt er að geta þess að einungis er hægt að skila inn framboði í eina fagnefnd og skal framboðið staðfest af forsvarsmanni eða eiganda fyrirtækis.
Félagsmenn, sem óska eftir að taka sæti í fagnefnd, eru beðnir að skila inn framboði fyrir lok dags mánudaginn 18. mars. Framboðum skal skila rafrænt með því að smella á hlekkinn hér að neðan.
Endurskoðaðir ársreikningar Samtaka ferðaþjónustunnar munu liggja fyrir á skrifstofu samtakanna í Húsi atvinnulífsins, Borgartúni 35 í Reykjavík, viku fyrir aðalfund.
Á aðalfundi SAF eru teknar fyrir lagabreytingar, hafi þær borist frá félagsmönnum til stjórnar í síðasta lagi 31. janúar ár hvert.
Fyrir aðalfundinum liggur tillaga um félagsgjald í SAF frá stjórn samtakanna skv. lögum þeirra.
Fulltrúar aðildarfyrirtækja geta nálgast aðalfundargögn og beina útsendingu frá fundinum hér. Aðgangsorð að gagnasíðunni hefur verið sent forsvarsfólki aðildarfyrirtækja í tölvupósti.
Allar nánari upplýsingar um aðalfund og fundi faghópa SAF er hægt að fá hjá Skapta Erni Ólafssyni, upplýsingafulltrúa SAF, í gegnum netfangið skapti@saf.is eða í síma 899-2200.
© 2025 SAMTÖK FERÐAÞJÓNUSTUNNAR. Allur réttur áskilinn.
